Սույն թվականի հունիսի  3-ին  Ռուսաստանի   Նագինսկ  քաղաքում տեղի ունեցավ   Եվրասիական միջազգային  ոչ կառավարական կոնֆեդերացիաի CRSEA–ի վերընտրական ժողովը:  ՀԱՅՀԵՂԻՆԱԿԸ  անդամակցում է CRSEA–ին  2017 թ-ից:   Ժողովին  մասնակցում  էին բոլոր անդամ երկրների ներկայացուցիչները:  Հայաստանից ներկա  էին ՀԱՅՀԵՂԻՆԱԿԻ  Խորհրդի անդամ՝ գրող Կարինե Խոդիկյանը,  տնօրեն  Սուսաննա Ներսիսյանը և փոխտնօրեն Մարինե Ավետիսյանը:  Մասնակիցները ներկայացրեցին  2017 թ. կատարած աշխատանքի արդյունքները:

Ժողովը վերընտրեց կազմակերպության նոր կազմը:

Կազմակերպության գլխավոր քարտուղար վերընտրվեց – Անդրեյ Կրիչևսկին

Կոնֆեդերացիաի Նախագահ  միաձայն ընտրվեց կոմպոզիտոր, պրոդյուսեր, «Մտավոր սեփականության իրավունքի ազգային կենտրոն» (Բելառուս) պետական ինստիտուտի հեղինակային խորհրդի նախագահ Օլեգ Մոլչանը:  

Լրացուցիչ նիստերի ընթացքում CRSEA-ի և Ռուսաատանի Մտավոր Սեփականության Ակադեմիաի (RGAIS)  միջև կնքվեց համաձայնագիր  կրթության վերաբերյալ: Համաձայն երկկողմանի համաձայնության Եվրասիական  անդամ երկրների ուսանողները կարող են ստանալ  մասնագիտական կրթություն  RGAIS-ում:  Բացի այդ, ակադեմիաի ուսանողները, ասպիրանտները և ուսուցիչները կկարողանան հետագայում ինչպես հայրենիքում, այնպես էլ  արտերկրում աշխատել հեղինակային իրավունքի և հարակից իրավունքների ոլորտում: Կպատրաստվեն  մասնագետներ, ովքեր կարող են ավարտելուց հետո  աշխատել թվային տնտեսության մեջ: Լավագույն ուսանողների համար կտրվեն արտոնյալ կրթաթոշակներ:  Համաձայնագիրը նախատեսում է   նաև համատեղ հետազոտական աշխատանքներ, համաժողովներ, սեմինարներ, կլոր սեղաններ:

Հայաստանի  տարածքում  ցանկացողները կարող են դիմել  ՀԱՅՀԵՂԻՆԱԿ կազմակերպություն  հետևյալ էլեկրտրոնային   հասցեով՝   [email protected]